Beste kirolak
Erronka txapeldunari
Ez da apusturik izango Vicenteren eta Atutxaren artean
eitb.eus
Aizkolari bizkaitarrak jakitera eman duenez, ez da Tolosako Kantabriko tabernara bertaratuko Iker Vicente nafarrak botatako erronka onartzeko.
-
Iker Vicente eta Aitzol Atutxa. Artxiboko argazkia
Joan zen abenduaren amaieran Iker Vicente aizkolari nafarrak (Otsagabia) desafioa bota zion egungo txapelduna den Aitzol Atutxa bizkaitarrari (Dima). Izan ere, Vicentek Euskal Herriko azken txapelketako arantza kentzea du xede, bertan garaile izan zen Atutxaren atzetik geratu baitzen. Dimakoak bere bosgarren txapela jantzi zuen orduko hartan.
Bien arteko balizko apustuak ikusmin handia eragin du herri kiroletako zaleen artean. Aitzitik, ez da apusturik egongo, izan ere, Atutxak bere Twitter kontuaren bidez jakinarazi du larunbat honetan ez dela Tolosako Kantabriko tabernan izango. Vicentek bertan egin zion hitzordua erronkako baldintzak zehazte aldera.
Asko zarete bihar kantabrikora noan galdetu didazuenak. Ba sentitzen dut apustua itxaroten dauden zaleengatik baina ez naiz joango. @TxetxuUrbieta @agersarduy @berria @Imagreto @Zabaloenea @diariovasco @garanet @luisgui2 @eitbkirolak @eitbNoticias @3ErregeenMahaia pic.twitter.com/Xwjt3skeQF
— Aitzol Atutxa (@Atutxall) 4 de enero de 2019
