Beste kirolak
Munduko Kopa
Maialen Chourrautek urrezko domina lortu du Pragan
Erredakzioa
Euskal kirolaria nagusitu da Munduko Kopako K1 Slalom proban. Woods izan da bigarren eta Funkek osatu du podiuma.
Maialen Chourrautek bikain ekin dio Pragan egiten ari den Munduko Kopari K1 Slalom modalitatean urrezko domina eskuratu baitu. Proba honetan nagusitu da 104.68 segundoko markarekin eta penalizaziorik jaso gabe.
Chourrauten garaipena ez da erraza izan, bigarren izan den Kimberly Woods britainiarrak Maialenek baino 24 zentesima gehiago bakarrik behar izan baititu proba bukatzeko.
Denbora onena Ricarda Funk alemaniarrak egin du (104.06), baina 4 segundoko penalizazioa jaso du, eta hirugarren postuan amaitu du proba.
Emakumeen K1 mailako sailkapena:
.1. Maialen Chourraut (EUS) 0 104.68
.2. Kimberley Woods (GBR) 0 +0.24
.3. Ricarda Funk (ALE) 4 +3.38
.4. Mallory Franklin (GBR) 0 +4.09
.5. Stefanie Horn (ITA) 4 +4.31
.6. Corinna Kuhnle (AUT) 8 +5.72
.7. Ursa Kragelj (SLO) 8 +12.68
.8. Rosalyn Lawrence (AUS) 6 +15.07
.9. Jana Dukatova (SVK) 52 +52.00
10. Jessica Fox (AUS) 54 +59.82
