Arrauna
San Miguel Liga
Hondarribiak Eusko Label Bandera irabazi eta lidergoa sendotu du
Erredakzioa
Asteburu biribila izan da 'Ama Guadalupekoa' traineruarentzat Portugaleten eta Zarautzen irabazita. Tiran izan da bigarren eta Kaikuk amaitu du estropada hirugarren postuan.
Galeriak (1)
Hondarribiak Eusko Label Bandera irabazi du Zarautzen eta San Miguel Ligako lidergoa sendotu du. Asteburu biribila izan da ‘Ama Guadalupekoa’ traineruarentzat, Portugaleten ere garaipena lortu baiztuten larunbatean.
Estropada estua eta lehiatua bizi izan da Zarautzen. Hondarribiak 20:05.83ko denbora ezarri du, eta 16 ehunenekogatik irabazi du. Bigarren txandan lehiatu den Tiran izan da bigarren 20:05.99ko marka ezarrita. Kaiku Ohorezko Txandan aritu da, baina hirugarren bukatu du estropada ezin izan baitu Tiranen denbora hobetu. Zazpi segundoko abantaila atera diote galiziarrek Kaikuri. Portugaletek ezustekoa eman du. Traineru bizkaitarra bigarren txandan aritu da, baina lan bikaina eginda laugarren postuan bukatu dute.
San Miguel Ligako sailkapen nagusian, Hondarribia da liderra 45 punturekin. Bi puntuko aldea dute gipuzkoarrek bigarren sailkatua den Kaikurekiko. Tiran da hirugarren sailkatua liderrarengandik 9 puntura.
Eusko Label Banderako sailkapena:
1 Hondarribia Orsa 20:05,83
2 Tiran Pereira 20:05,99
3 Kaiku Ambilamp 20:13,59
4 Portugalete Eulen (1) 20:14,88
5 Astillero 20:22,57
6 Pedreña 20:30,08
7 Urdaibai Umpro Avia 20:31,57
8 San Juan Iberdrola 20:32,07
9 San Pedro Ecolmare 20:33,31
10 Castro 20:40,31
11 Zumaia Altuna y Uria 20:44,36
12 Zierbena Bahías Bizkaia 20:55,48
Sailkapen nagusia:
1 Hondarribia Orsa 45 puntu
2 Kaiku Ambilamp 43
3 Tiran Pereira 36
4 Urdaibai Umpro Avia 34
5 San Juan Iberdrola 34
6 San Pedro Ecolmare 27
7 Astillero 21
8 Pedreña 18
9 Castro 17
10 Portugalete Eulen 17
11 Zumaia Altuna y Uria 15
12 Zierbena Bahías Bizkaia 5
