Arrauna
Play-offak
Tolosaldea eta Getaria, lidergoan, lehen jardunaldia jokatuta
AGENTZIAK | EITB MEDIA
Tolosaldea izan da indartsuena emakumezkoen estropadan eta Getaria gizonezkoetan. Igandeko estropadan erabakiko da igoera.
Eusko Label eta Euskotren ligetako play-offak jokatuko dira asteburuan.
Gaur, Bermeon, emakumezkoetan, Hondarribia (Euskotren Ligako azkena), Tolosaldea eta Deustu (ETE Ligako lehen biak) eta Galiziako txapeldun izan den Cabo da Cruz aritu dira Euskotreneko txartelaren bila.
Tolosaldeak nagusitasunez agindu du Bermeoko uretan eta eskura du igoera 4 puntuak eskuratu eta gero.
Tolosaldea
DENBORAK ETA SAILKAPENA
1- Tolosaldea: 11:38 (4 puntu)
2- Deustu: 11:49 (3 puntu)
3- Hondarribia: 11:56 (2 puntu)
4- Cabo: 12:06 (Puntu 1)
Gizonezkoetan Galiziako Tiranek (Eusko Labeleko azken-aurreko sailkatua), Getariak eta Kaikuk (KAE 1eko lehen eta bigarrenak), eta Galiziako Ligan txapeldun eta txapeldunorde izan diren Samertoloameu eta Bueu lehiatu dira.
Bost ontzi horiek erlojuaren kontrako bi estropadetan aritu dira. Gaur jokatuko da aurrenekoa Bermeon eta Getaria izan da onena, bigarren Samertoloameu, hirugarren Kaiku, laugarren Bueu eta bosgarren Tiran.
Gipuzkoarrak dira faborito nagusienak hurrengo denboraldian Eusko Label Ligan aritzeko.
DENBORAK ETA SAILKAPENA
1. Getaria 21:25 (5 puntu)
2. Samertoloameu 21:29 (4 puntu)
3. Kaiku 21:30 (3 puntu)
4. Bueu 21:44 (2 puntu)
5. Tirán 21:49 (Puntu 1)
Igandean goizeko 11:20an play-offetako bigarren jardunaldia jokatuko da Portugaleten eta bertan erabakiko dira igoera txartelak.
-----------------------------
PORTUGALETEKO ESTROPADA EREMUKO BATIMETRIA:
-----------------------------------------
PORTUGALETEKO ESTROPADARAKO AURREIKUSITAKO MAREA:
Joera
-
Ostirala
-
Larunbata
-
Igandea
-
Astelehena
-
Asteartea
-
Asteazkena
Iragarpena
2024/11/22
Gaur giro hotza eta zaparradak. Goizean ipar-mendebaldeko haizea zakar ibiliko da oraindik eta itsasotik zaparradak sartuko dira, batez ere ipar isurialdean, beraz, eguraldia ezatsegina izango da. Tenperatura ere ez da asko igoko , altuenak 10-14 ºC artekoak izango dira. Arratsaldean haizeak baretzera egingo du eta atertzera joko du, zaparradak goizean baino bakanagoak izango dira. Gauean hodeitza saretu egingo da eta, orduan, tenperatura oso bizkor jaitsiko da. Gauean asko hoztuko du.
Tenperatura:
- Bilbao: 8/14 ºC
- Donostia:7/13ºC
- Gasteiz:4/11 ºC
- Iruña:4/10 ºC
2024/11/23
Larunbatean giro argia, hegoaldeko haizea eta tenperatura maximoen igoera. Tenperatura maximoen igoera Kantauri isurialdean nabarituko da batik bat, eta hegoaldeko haize biziak eragingo du. Zeruan erdi mailako hodeiak eta goi-hodeiak agertuko diren arren, ostarte zabalak irekiko dira. Arabako zenbait lekutan eta Nafarroa hegoaldean behe-hodeiak agertuko dira goizean, eta giroa ilunagoa izango da. Goizean goiz hotz egingo du, batez ere barnealdean; ez da baztertzen izotza egitea txokoren batean.
Tenperatura:
- Bilbao: 8/19 ºC
- Donostia:6/19ºC
- Gasteiz:3/14 ºC
- Iruña:3/13 ºC
2024/11/24
Iganderako ez dugu aldaketa handirik espero, baina eguna oso haizetsua izango da, bolada oso gogorrekin bai haizeguneetan bai haizeguneak ez diren lekuetan. Tenperaturak igotzen jarraituko du hegoaldeko haize zakarraren ondorioz. Zeruan erdi mailako hodeiak eta goi-hodeiak agertuko dira tarteka, baina giro argiarekin jarraituko dugu. Hegoaldean giro goibelagoa izango da, izan ere behe-lainoa sortuko da eta baliteke berandu arte ez jasotzea eta behe-hodeiak sortzea.
Tenperatura:
- Bilbao: 12/22 ºC
- Donostia:11/21ºC
- Gasteiz:7/17 ºC
- Iruña:7/17 ºC
Itsasoaren egoera
- Itsasgora 08:14:00
21:06:00 - Itsasbehera 01:48:00
14:42:00 - Tenperatura 16-17º
- Itsasgora P: 3.72 / 3.39
B: 1.81 / 1.72 - Eguzkia UTC 07:15:00
UTC 16:43:00 - Ilargia 23:21:00
13:00:00
2024/11/22
Ipar-mendebaldeko haizea ibiliko da, 4-5ko indarrarekin eta 6ko tarteekin; eguerdi inguruan baretu egingo da, 3-4ko indarrera eta arratsaldean iparraldekoa nagusituko da. Gauean hego-ekialdera aldatuko du, 2-3ko indarrarekin. Itsaskia edo itsaski handia eragingo du, itsaso zakarreko guneekin goizean; eguerditik aurrera itsaskirria edo itsaskia eta gauean itsaso kizkurra. Ipar-mendebaldeko hondoko itsasoak 3,5 m-ko olatuak altxatuko ditu goizean, arratsaldean bizkor txikituko dira eta gauean 2 m ingurukoak altxatuko ditu.
- Itsasgora 09:29:00
22:22:00 - Itsasbehera 02:55:00
15:54:00 - Tenperatura 16-17º
- Itsasgora P: 3.59 / 3.36
B: 1.97 / 1.82 - Eguzkia UTC 07:16:00
UTC 16:42:00 - Ilargia 00:00:00
13:21:00
2024/11/23
Hego-osagaiko haizea ibiliko da, 4-5eko indarrarekin eta 6ko tarteekin. Itsaskirria eragingo du, itsaskiko guneekin. Ipar-mendebaldeko hondoko itsasoak 1,5 m-ko olatuak altxatuko ditu hasieran eta gero 0,5-1 m artekoak.
- Itsasgora 10:45:00
23:28:00 - Itsasbehera 04:09:00
17:03:00 - Tenperatura 16-17º
- Itsasgora P: 3.56 / 3.44
B: 2.02 / 1.82 - Eguzkia UTC 07:17:00
UTC 16:42:00 - Ilargia 00:25:00
13:39:00
2024/11/24
Hego-osagaiko haizea ibiliko da, 4-5eko indarrarekin eta 6ko tarteekin. Itsaskirria eragingo du, itsaskiko guneekin. Mendebaldeko hondoko itsasoak 0,5-1 m arteko olatuak altxatuko ditu.
