Arrauna
Arraun-talka Zierbenarekin
Epaileek arrazoia eman diote Urdaibairi 2018ko Kontxako auzian
AGENCIAS | REDACCIÓN
Lehen jardunaldian, Urdaibaik eta Zierbenak arraunak jo zituzten, eta epaileek Bermeoko trainerua zigortzea erabaki zuten: egun horretako denborarik okerrena baino 15 segundo gehiago ezarri zioten.
Urdaibai arraun elkarteak astelehen honetan adierazi duenez, Euskal Autonomia Erkidegoko Justizia Auzitegi Nagusiak arrazoia eman dio 2018ko Kontxako Banderaren zigorrari buruz. Hala, Bermeoko taldearen aburuz, aipatu erabakiak urte horretako "irabazlearen bandera eta sariak eskatzeko aukera zabalik" uzten dio.
2018ko Kontxako lehen jardunaldian, Urdaibaik eta Zierbenak arraunak jo zituzten, eta epaileek Bermeoko trainerua zigortzea erabaki zuten: egun horretako denbora txarrena baino 15 segundo gehiagoko zigorra ezarri zioten Bou Bizkaia ontziari. Ondorioz, Urdaibaik lehen jardunaldi horretako irabazlea izan zen Zierbenak baino 49 segundo gehiago izan zituen sailkapenean.
Aitzitik, astebete geroago jokatu zen bigarren jardunaldian, Urdaibaik egin zuen estropadako denborarik onena. Horrenbestez, bi egunetako denborak zenbatu ostean (zigorra barne), bosgarren tokian sailkatu ziren bermeotarrak, bandera bereganatu zuen Hondarribiarengandik 26 segundora.
Urdaibairen eta Zierbenaren arteko arraunek elkar jo zuten unea
Urdaibaik bere kanal ofizialetan argitaratutako mezuaren arabera, "ezarritako zigorrik gabe Bermeo izan zen onena bi igandeetako denboren baturan", eta hori dela-eta "bandera klubaren bitrinetara iristeko" itxaropena duela adierazi du.
Horregatik Bandera klubaren bitrinetara iristeko itxaropena sortzen da
— BermeoUrdaibaiArraun (@Urdaibai_Arraun) July 6, 2020
