Arrauna
Kontxako Bandera
Urdaibai izan da nagusi erlojupekoan, eta Ondarroa kanpoan geratu da
AGENTZIAK | ERREDAKZIOA
TKE Ligako zazpi ontzi sailkatu dira, Santurtzi tartean; 23 urte geroago, Kontxako Banderaren lehian egongo da berriro.
Urdaibaik egin du denborarik onena Kontxako Banderan egoteko txartela ematen duen erlojuaren aurkako sailkatze estropadan. 23 urte geroago, Santurtzi ere izango da bertan. Ondarroa, berriz, kanpoan geratu da, 'Sotera'k baino bi segundo gehiago behar izan baititu ibilbidea betetzeko.
Jardunaldiak ez du ezusteko handirik eman; izan ere, faboritoek, Traineru Kluben Elkarteko Ligako traineruek, aurreikuspenak bete dituzte.
Urdaibai, Orio, Zierbena, Hondarribia eta Cabo indartsu aritu dira denboraldi osoan. Ondorioz, kiniela guztietan zeuden, eta bete egin dituzte aurreikuspenak.
Zalantza gehiago zeuden San Pedro eta Santurtzirekin, baina barruan sartzea lortu dute azkenean, Ondarroaren kaltetan.
Hauek dira sailkatze estropadan izandako denborak:
