Eguraldi ona eta metro bat eta metro eta erdi arteko olatuak sailkatze estropadarako

Kontxako Banderako sailkatze estropada arratsaldean jokatuko da. Norabide aldakorreko haizea ibiliko da, 2ko indarrarekin, eta ipar/ipar-ekialdetik finkatuko da arratsaldean, 3ko tarteekin.

Itsaso kizkurra eragingo du, eta itsaskirriko guneak izango dira arratsaldean. Ipar-mendebaldeko hondoko itsasoak metro bat eta metro eta erdi arteko olatuak altxatuko ditu.

Egunaren hasieran, hodei dezente agertuko da, batez ere ipar isurialdean, eta tantaren bat edo beste bota dezake kostaldetik gertu. Hala ere, egunak aurrera egin ahala, hodeiak gutxitzen joango dira, eta arratsaldean ez da zerua garbi geratuko, baina ostarteak zabalduko dira.