Arrauna
Igoerako playoffa
Santurtzi eta Donostiarra TKE Ligara igo dira
Agentziak | Erredakzioa
Bizkaitarrak eta gipuzkoarrak lehenengo eta bigarren izan dira, hurrenez hurren, Portugaleten jokatutako bigarren erlojupekoan. Sailkapena lehen jardunaldiko bera izan da.
-
Igoerako playoffeko azken sailkapena. Argazkia: EiTB.
Santurtzi eta Donostiarra ontziek aurreikuspenak bete dituzte eta TKE Ligara igotzea lortu dute, hiru aurkari galiziarrak bigarren egunez jarraian mendean hartuta.
Larunbatean Bermeoko lehen jardunaldian gertatu bezala, Santurtzik egin du denborarik onena eta ondoren Donostiarra sailkartu da. Samertolameu hirugarren izan da, Ares laugarren eta Puebla bosgarren.
Santurtzik ia bi segundo atera dizkio Donostiarrari, 10 Samertolameuri, 24 Aresi eta 46 Pueblari.
