Arrauna
XXXIX. Corte Ingles Bandera
Kaikuk garaipena lortuta agurtu du denboraldia
Erredakzioa
Sestaoko taldeak XXXIX. Corte Ingles Bandera irabazi du, erakustaldia emanda. Estropada amaitu ostean, Bandera eta San Miguel Ligako txapeldun izendatzen duen koroa jaso dute,
Kaikuk amaiera ezin hobea eman dio denboraldiari. Larunbatean izendatu ziren San Miguel Ligako txapeldun, eta igande honetan XXXIX. Corte Ingles Bandera irabazi dute.
Erakustaldia eman du Kaikuk Portugaleteko uretan. Bizkaitarra ontziak garaipena lortu du, Urdaibairi hamar segundo aterata. Lehen txanda irabazi duen Portugalete izan da hirugarren estropadako sailkapenean, eta San Juan laugarren. Ohorezko txandan lehian ibili diren Hondarribia (bosgarren) eta Orio (seigarren) gainditu dituzte lehen txandako lehen bi sailkatuek.
Estropada amaituta, Kaikuko tripulazioak Corte Ingles Bandera eta San Miguel Ligako txapeldun izendatzen duen garaikurra jaso du.
XXXIX. Corte Ingles Banderako sailkapena:
.1. Kaiku 19.19:81
.2. Urdaibai 19.30:46
.3. Portugalete 19.30:53
.4. San Juan 19.45:31
.5. Hondarribia 19.46:18
.6. Orio 19.53:72
.7. Tiran 19.55:79
.8. San Pedro 19.56:05
San Miguel Ligako sailkapena:
.1. Kaiku 203 puntu
.2. Urdaibai 189
.3. Orio 179
.4. Hondarribia 159
.5. Tiran 139
.6. Portugalete 136
.7. San Juan 131
.8. San Pedro 118
