Ares bigarren izan da play-offeko 2. jardunaldian, eta Eusko Label Ligan lehiatuko da datorren denboraldian. Bideo honetan duzu ikusgai taldearen estropada, traineru barrutik, minikameraren irudiei esker.

Ares eta San Juan erabat nabarmendu dira Eusko Label Ligako play-offeko lehen kanporaketan, aurkariak oso atzean utzi baitituzte. Euskotren Ligan, Astillerok eta Zumaiak gainerako bi traineruei ateratako aldeak txikiagoak izan badira ere, oso bideratuta dute datorren urtean maila gorenean aritzea.

Ares nagusitu da play-offeko 1. jardunaldian eta aurrerapausoa eman du datorren denboraldian Eusko Label Ligan egoteko. Bideo honetan duzu ikusgai taldearen estropada, traineru barrutik, minikameraren irudiei esker.

Hugo Rascado Areseko patroia kritiko agertu da Eusko Label Ligako play-offetako lehen jardunaldia irabazi arren. Horren ustez, azken luzea ez da ona izan, eta horrek kalte egin diezaieke bigarren jardunaldiari begira. (Adierazpenak, gaztelaniaz)

San Pedro eta Santurtzi euskal traineruekin batera, Ares eta Chapela ontzi galiziarrak lehiatuko dira Eusko Label Ligako play-offetan, Bermeon lehenik eta Portugaleten gero. Galiziarren entrenatzaileekin izan gara.

Iñaki Goikoetxea (Lekittarra), Hugo Rascado (Ares) eta Josu Elu atsekabetuta agertu dira hurrengo bi asteburuetan Kontxako Bandera lehiatzeko eskubiderik gabe geratu izanagatik.

Haizea, euria eta ekaitza izan dira protagonistak Eusko Label Ligako Getariako Ikurrinan. Estropadak irudi ikusgarriak utzi ditu lehiatu diren hiru txandetan.

Igande honetan, abuztuaren 13an, Eusko Label Ligako Boiroko Bandera jokatu da Galizian, eta Zierbena izan da irabazlea. Cabok bigarren postua lortu du eta Orio hirugarren izan da.

Igande honetan Eusko Label Ligako Orio Kanpina Bandera lehiatu da, eta Urdaibaik lortu du garaipena. Hondarribia bigarren geratu da, eta segundu bakarra atera dio hirugarren izan den Donostiarrari.

Bigarren txandan aterata, Donostiarra izan da Castroko Banderako azkarrena denbora askoan. Hala ere, ohorezko txandako hirugarren luzean, Hondarribiak aurrea hartu dio, estropada irabaziz. Urdaibaik, laugarren luzean kalez aldatuta, Donostiarraren aurretik sailkatzea lortu du.

Ondarroak etxeko estropada irabazi du. Lehen txandan ekin dio estropadari eta ohorezko txandako traineruei abantaila atera die Ondarroak.

Aresek eta cabok talka egin zuten Orioko uretan, helmugatik oso gertu zeudela, eta epaileek bi traineru galiziarrak kanporatu zituzten.

Bi traineru galiziarrek talka egin dute helmugatik oso gertu. Epaileek bi traineruak kanporatu dituzte.

Bihar KAE eta ETE ligak hasiko dira eta, uztailarekin batera, gorengo bi ligak. Biak uztailaren 3an hasiko dira Bilbon eta Euskotren Liga, 14 estropadaren ondoren, abuztuaren erdialdean bukatuko da. Gizonezkoek, berriz, irailaren 18an bukatuko dute, 20 estropada eginda.

Aresen eta Boiron egingo dira larunbateko eta igandeko estropadak hurrenez hurren. Coruñakoentzat asteburu berezia izango da, etxean lehiatzen baitira.

Portugaleten jokatuko da play offetako jardunaldi erabakigarria. Bertan, Hondarribiak garaipena errepikatu eta EuskoTren Ligan jarraitzea lortu du eta Ares eta Zarautz Eusko Label Ligan arituko dira.