Euskadi Irratia

HOBETO-KALTE

''Barne-isiltasunak lasaitasun emari bat, ongizatea ekartzen du''

Eva Domingo kazetaria, ikerlaria eta Jakinmin elkarteko kide da. Isiltasunean aditua ere bada. San Telmo museoko klaustroan elkartu da berekin Maialen Otermin, eta kanpoko eta barruko isiltasuna bereizteaz gain, batak eta besteak ekartzen dituzten onurez aritu dira. Barne isiltasuna eta barne lasaitasuna lotuta ote dauden, norberak nola lortu dezakeen, etxean praktikan jartzeko adibideak… eta karramarro ermitauaren metafora. Denak ere, isiltasunaren inguruan landu dituzte.

Bertan jasotakoak Aitor Aritzeta psikologoaren laguntzarekin zabaldu ditu estudioan.