Goiz kronika asteburua
GOIZ KRONIKA - ELKARRIZKETAK
Manu Lezertua, Arartekoa: "Inoizko kexa, eskaera eta kontsulta gehien jaso ditugu aurten"
Irati Barrena Bolinaga l EITB MEdia
Urtero legebiltzarrean Arartekoak auzkertu ohi duen txostena garatu eta aurkezteko hilabete faltan, azken urtean, gehien igo diren kexak osasun arlokoak izan direla azaldu digu Manu Lezertua, Euskadiko Herriaren Defendatzaileak
-
Manu Lezertua Arartekoa, Bilboko bere bulegoan
10:12 min
Administrazio eta politika publikoek herritarrak behar bezala artatzen dituztela bermatzea da Arartekoaren lana, eta bere jarduna bertatik bertara ezagutu dugu Goiz Kronikan.
Iaz 13.600 kexa edo eskaera jasota, urte errekorra izango da aurtengoa Euskadiko Herriaren Defendatzailearentzako. Lezertuaren hitzetan, herritarren kezka nagusien artean dago osasuna, baina baita etxebizitza edota ingurumena ere. 10 urte beteko ditu laster Lezertuak Ararteko lanetan, eta azaldu digu, bere ustez, egin beharreko lanak bete dituela, eta pozgarria izango zela belaunaldi gazteagoek datozen bost urtetarako ardura hartzea.
