Gertukoak
ABELTZAINTZA
Ardien artilea, diru-iturri bat izatetik, buruhauste izatera pasatu da
Euskadi Irratia | AITOR PEREZ BUENO
Lehenago dirua lortzeko aukera ematen zuen baliabidea zen, baina gaur egun, ustiategietan pilatzen da inork ez duelako eraman nahi. Abeltzainek erraustegira eramateko ordaindu behar dute.
-
3:12 min
Ardien artilea, abeltzainentzako diru-iturri izatetik, buruhauste izatera pasatu da. Garai batean diru dezente ordaintzen zen artilearengatik, baina orain, abeltzainek beraiek ordaindu behar dute, norbaitek artilea ikuiluetatik eraman dezan. Egoerari aurre egiteko erakundeak lanean dabiltza, eta Araban, esaterako, arazoa ikusita, artilearen garraioa eta erraustearen kostua bere gain hartu dute. Aurrerantzean, ordea, abeltzainek ordaindu beharko dute.
