Prestaketa

Joseba Sacristan eta Ibon fernandez Gazteako esatarien hozkailuan topatutako produktuekin proposatu dituzte errezetak gure sukaldariek:

Igor Zalakain:

Aza garbitu, erdiko txondorra kendu eta fin-fin moztu juliana eran.

Irakiten jarri gazt dexenterekin. Pare bat minutuz egosi bor-borka hastean. Hoztu.

Shitake eta kardu perretxikoak zatitu eta baratxuri pittin batekin erregosi.

Aza gehitu eta dena erregosi (ahal bada wokean) su indartsuan.

Haragia sutan jarri (ondo gaztatua eta piper hautsa botata) eta buelta eta buelta egin. Garagardoa txorrotada bat bota zartaginera.

Aza eta perrtxiko nahasketari gehitu.

Pili Manterola:

Olioa zartaginean jarri baratxuri ale batekin eta haragia buelta eta buelta egin. Zartaginean geratzen den zuku horretan shitakeak salteatu. Medailoiei gainean bota shitakeak.

Azarekin aza-olioa egin. Ura irakiten jarri gatz pixka batekin. Azaren hostoak kendu eta egosi. Atera, eta bata bestearen gainean jarri eta kiribildu. Zartaginetik pasa. Gainetik, baratxuri txikitua bota.

Aza biribilkia lehen plater gisa jan. Haragia shitakeekin salteatuta, berriz, bigarren platera izango da.