Prestaketa

Igor Zalakainek begihandia erdi-erregosia prestatu du:

Begihandia ongi garbitu. Lauki ederretan zatitu, eta erreserbatu.

2 tipula, 2 piper berde eta 2 baratxuri ale laukitan moztu, eta ongi potxatu eta goxatu. Tomate ale txiki bat gehitu haziak kenduta. begihandia garbitzean geratu zaigun tinta bota (marroi antzera geratuko zaigu).

Zartaginean olioa berotu eta baratxuri bat eta txipiroi zatiak bota pixka bat gorritzeko. Gorritzean, barazki guztiak horra bota eta 10 minutuz su geldoan erregosi.

Bukatzeko, azken momentuan, laukitan moztutako patata frijituak gehitu.

Pili Manterolak dilistak eperrarekin prestatu ditu:

Dilistak egosi barazki batzuekin (tipula, azenarioak...).

Bestetik, eperra prestatu. garbitu eta lotuta jarri, eta zartaginean gorritu.

Ondoren, olio horretan barazkiak egin (azenarioa, tipula, tomatea...). dena gorritzean, berriz hor sartu eperrak, eta gehitu ardo beltza eta olio salda. 50 bat minutuz eduki.

Atera, saltsa guztia birrindu eta iragazi, eta saltsa eta eperrak berriz elkartu.

Aurkezteko: dilistak platera edo ontzi batean jarri. Eperra soka kenduta eta erdibituta (edo lau zatitan), dilisten gainean jarri. Ondoren, gainetik, eperraren saltsa pixka bat bota eta azken ukitu bat eman guztiari buelta batzuk emanda.