Faktoria
Urteko onenen artean
Amaia Miranda:"Kasualitatez jakin nuen NPR irrati katean nire diskoa urteko onenen zerrendan zegoela"
Ainhoa Urretabizkaia|EITB Media
Iaz kaleratu zuen Amaia Mirandak "Mientras vivas, brilla" izeneko diskoa, bere ibilbideko bigarrena, eta NPR, Estatu Batuetako irratiko publikoak urteko 50 disko onenen artean sartu du. Bere musika ibilbidea, eta egun Christina Rosenvinge eta Gorka Urbizurekin egiten ari den biraz aritu gara.
-
Amaia Miranda
22:26 min
Aitortu digu, berez, ez dituela zerrendak gehiegi maite, baina benetan hunkitu zela NPR irrati kateak bere diskoa urteko onenen artean sartu zuenean. Aitortza horren aurretik egindako lana eta bidea egin dugu Amaia Mirandarekin; Leioan jaio, musika ikasketek Bartzelonara eraman zuten, eta orain munduan barrena dabil beste musikari batzuei laguntzen, batez ere. "Mientras vivas, brilla" bere bigarren diskoaren hurrengo ere prest duela aitortu digu.
