Faktoria
Artea
Itziar Nazabal: "Mundua maite dut"
Ane Albisu | EITB Media
Itziar Nazabal artista altsasuarra Hego Koreako Life is Art nazioarteko arte jaialdian izan da. Bere performanceak eman zion hasera jaialdiari. Margo urdina nagusi, artea eta bizitza iruditzen zaizkion arropa esekitokiak marraztu zituen. Arropa lehortzen dagoen lekuan bizia dagoela ikusten du.
-
Itziar Nazabal
26:14 min
Hego Koreako Goeje hirian izan da Life is Art Nazioarteko 9. Arte Jaialdia. 56 herrialdetako artistak izan dira bertan, eta leku esanguratsua izan du Itziar Nazabal artista nafarrak. "Life & diversity" koadroa eraman du jaialdian parte hartzeko, arropa esekitokia protagonista duen artelana. Epaimahaiko kide ere izan da, eta bere gustuko hamabost artista gonbidatzeko ohorea ere izan du. Horrez gain, jaialdiari hasiera eman dion performancea berak egin du. "Eztanda" baten antzeko adierazpen artistikoa, margo urdinez bere gorputza eta ingurua margotuz eta atzealdean arropa esekitokia marraztuz. Arropa esekitokiek, bere ustez, oso ondo adierazten dute jaialdiaren leloa, "Life is art", bizitza artea da. Artista altsasuarrak artea eta bizitza ikusten ditu lehortzen ari diren arropetan.
Hego Koreako jaialdiak mundura begira ireki dizkion ateak aipatu dizkigu, mundu arabiarrarekiko duen pasioa eta zaletasuna.....Azken batean "mundua maite duela" esan digu.
