Faktoria magazina
Sumendiak
Fernando Sarrionandia-Ibarra: "Bizkaian eta Gipuzkoan sumendien gainean bizi gara"
Ane Albisu | EITB MEDIA
Duela 100 milioi urte itsaspean aktibo egondako sumendiak dira berriz lehertzeko arriskurik ez dutenak. Adibidez, Karakate mendia sumendi baten ondorio zuzena da. La Palmako sumendiak zientziari "sekulako ekarpena" egin diola azpimarratu digu EHU-ko geologoak eta sumendiak ulertzen lagundu digu.
-
Fernando Sarrionandia-Ibarra, Eitb-ren Gasteizko estudioan
16:38 min
Fernando Sarrionandia-Ibarra Geologian doktorea da, EHUko Ingurumen Zientzien graduan irakaslea. Batez ere iraganeko erupzioak ikertzen ditu, gaur egungoak hobeto ulertzeko. Alde horretatik La Palmako erupzioak "zientziaren ikuspegitik sekulako ekarpena egin duela" aitortu digu. Pixkanaka itzaltzeko bidean ikusten du eta abenduan itzali daitekeela uste du. Cumbre Vieja sumendiaren erupzio honetan "harrigarriena leherketen indarra" iruditu zaio.
La Palmako sumendiaren irudiak oso gertutik ari gara jarraitzen, baina ezin da ahaztu munduan mila sumendi baino gehiago daudela aktibo eta urtero bataz beste 20 sumendi hasten direla erupzioan. Sumendiak hobeto ulertzeko hainbat argibide eman dizkigu eta adibidez azaldu digu "erupzioa sumendiak unibertsora beroa askatu nahi duelako gertatzen dela, oreka lortzeko.
Bizkaian eta Gipuzkoan itsaspean duela 10 milioi urte aktibo egondako sumendien berri ere eman digu eta gutxi ezagutzen den informazio hau ere ekarri digu "Faktoria" saiora.
