Euskadi Irratia

FAKTORIA

Oihana Goiriena, Pablo Gonzalezen emaztea: ''Osasunez ondo, baina urduri topatu dugu''

Aireportutik zuzenean sartu da Oihana Goiriena, Pablo Gonzalez kartzelan bisitatu ondoren. Zortzi hilabetez egon da senarra ikusi gabe, eta topaketa "oso emozionantea" izan dela azpimarratu du. Abokatuaren ekinez lortu dute Poloniako fiskaltzak lehen bisita baimentzea. Nahikoa argi du luzatu egingo diotela espetxealdia berriz, urtebete egin arte behintzat, baina inflexio puntu modukoa izan daiteke hau, Goirienaren ustez, hortik aurrera luzatzea zailagoa izan daitekeelako. Gonzalezek eskerrak eman nahi izan dizkie komunikabideei, bereziki, Euskal Herrikoei, bere egoeraren berri emateagatik eta babesa adierazteagatik.