Baipasa
ELKARRIZKETA
Maia Apaolaza: “Parisen beste batzuentzat jostea, horixe zen nire ametsa”
Aloña Beraza | EiTb Media
Laza Clothing markaren sortzailea da Maia Apaolaza diseinatzailea. Londresen egin zituen unibertsitate ikasketak, eta ondoren Parisera joan zen ametsa betetzeko asmotan. Madrilen 11 urtez beste batzuentzat lanean aritu ostean ekin zion Laza Clothing markari.
-
Maia Apaolaza diseinatzaile donostiarra Baipasan izan da
20:31 min
Channelentzat lan egitea zen gaztetan Maia Apaolaza diseinatzaile donostiarraren ametsa, eta helburu hori lortzeko bidean eman zituen urrats guztiak; Londresen egin zituen modako goi mailako ikasketak, eta Parisen egin zuen graduondokoa. Ametsetik hurbil zegoen, dena zuelako alde, baina ez zuen eroso sentitzen bere burua hirian. Hortaz, etxera itzuli zen eta Madrilen eman zituen hurrengo 11 urteak beste batzuentzako lanean. Asko ikasi zuen, eta gustura aritu zen, baina halako batean bide pertsonalari ekiteko aukerari topatu zuen. Horrela sortu zuen Laza Clothing marka, eta honezkero bosgarren bilduma ere bidean du.
