Eskoletako jangeletako langileak greban hirugarren astez

Eskola publikoetako jangeletako grebak ez du momentuz konponbiderik. Beste astebetez gurasoek ahal duten moduan moldatu beharko dute seme-alabek ezingo dutelako jangelara joan. Greba egiten ari diren langileen arrazoiak entzungo ditugu beste behin ere eta gurasoen erreakzioa ere bai.

Hogeitazazpigarren greba eguna gaur Araba, Bizkaia eta Gipuzkoako Eskola publikoetako jangeletan. UGT, ELA eta LABek deituta jangeletako langileek manifestazioa egingo dute gaur eguerdian Bilbon. Donostiatik ordu honetan dira abiatzekoak Bilbora, eskola publikoetako jangeletako langileak manifestazioa dutelako Bizkaiko hiriburuan.

Euskal Autonomia Erkidegoan aurrera segitzen du Ikastetxe publikoetako jangeletako langileen grebak, ostiralerarte behintzat grebari eustea erabaki dute. Ostiralean egin zituzten batzarrak eta grebari eustea erabaki zuten, negoziazio mahaian lortutako aski ez dela iritzita.

Gipuzkoako Guraso Elkarteen Federazioak mobilizazio-deia egin die gaurko ikasleen familiei. Presio gisa Ikastetxe atarietan protesta bilkurak egitera gonbidatu ditu. Gatazka lehen bait lehen konpontzea eskatzen dute.