RADIO

Confebaskek 'adierazpen irmo' batekin erantzungo die ELAri eta LABi

Miguel Angel Lujua Confebaskeko presidenteak iragarri duenez, ostegunean, Elkarrizketa Sozialerako Mahaian, erantzungo dio ELAk eta LABek egindako salaketari eta "adierazpen irmo" batekin bi sindikatuen ilegalizazioa eskatu duenik ukatuko du. LABek aurrena, eta ELAk, gero, Confebask EAEko enpresaburuen elkartea salatu zuten, Espainiako Gobernuari ustez igorritako dokumentu batean sindikatu abertzaleak legez kanpo uzteko "mekanismoak" eskatzeagatik. Lujuaren hitzetan, elkarrizketa soziala "izorratu" nahi duen "norbait" dago dokumentu horren atzean.