Sanferminak
Jaien azken ekitaldia
Amaitu dira sanferminak, hasi da atzerako kontaketa
Agentziak | Erredakzioa
Gauerdian, 9 egun iraun duen festaren ostean eta ohi bezala, 'Gaixo ni' ekitaldiak eman die amaiera 2016ko sanferminei.
![](http://media.eitb.eus/multimedia/images/2016/07/15/2000230/pobredemi_sanfermin_efe_foto610x342.jpg)
![](http://images14.eitb.eus/multimedia/recursos/generales/play_gris_grupohome.png)
'Gaixoa ni' ekitaldi jendetsuak eman die amaiera bart gauerdian 2016ko sanferminei. Jaietako azken ekitaldi ofizialean, kandelak eskuetan hartuta agurtu dituzte jaiak iruindarrek eta bisitariek.
Uztailaren 6an 9 egun iraun duten jaiei hasiera emateko asmoz egin zuten legez, milaka pertsona bildu dira Udaletxe plazan jaiei agur esateko. Peñek handik gertu dagoen Gaztelu plazan izan dute hitzordua, beren agur-ekitaldia egiteko.
Gaueko hamabietan, Joseba Asiron Iruñeko alkatea udaletxeko balkoira atera da, eta "Gaixoa ni, gaixoa ni?" eta "1 de enero, 2 de febrero, 3 de marzo..." abestu ditu. Horrela hasi da 2017ko sanferminetarako atzerako kontaketa.
Ostiral honetan egingo den jaien azken balantzearen zain, alkatearen aburuz, bukatu berri diren sanferminak "inflexio-puntu bat izan dira, are eta parte-hartzaileagoak eta berdintasunezkoagoak diren beste jai mota batzuen alde egiteko". "Puntu ilun bakarra? izan du hizpide Asironek: "sexu-erasoak".
2016ko sanferminetako "Gaixoa ni". EFE