'Herritarren sormena' izango da Tolosako inauterietan protagonista

"Herritarren sormena" izango da aurtengo Tolosako inauterietako protagonista, Olatz Peon alkateak jakinarazi duenez. Jaia otsailaren 3an hasiko da Kaldereroekin, eta 8tik 13ra bitartean jarraituko du, 18an amaituko da Piñata igandean.

Udalak sentsibilizazio-kanpaina ezberdinak abian jarriko ditu inauterietan, esaterako, berdintasunarekin, kale-zurrutean ibiltzearekin, zaratarekin, hondakinekin eta begirunearekin zerikusia dutenak.

Alkate andereak jakinarazi duenez, Kaldereroen Haur Jaialdiak mende erdia betetzen du aurten. Bestalde, hamaika txarangek beren urteurrena ospatuko dute.

Udaleko webguneak inauterietako programa jasotzeaz gain, Udaleko sare sozialek eta Tolosako Inauteriak unean uneko informazio guztia zabalduko dute.

Egitaraua:

OTSAILAK 3, LARUNBATA
10:30 Tolosako Erraldoi eta buruhandiak, Tolosako Dultzaineroez lagundurik. Irteera Plaza Zaharretik.
12:00 Aiz-Orratz elkarteko txaranga irtengo da elkartetik bertatik.
12:30 Haur Jaialdia, Aiz-Orratz Elkarteak antolatuta, Leidor aretoan. Jaialdian Txantxo Lehiaketako irabazleen berri emango da.
19:00 Urdiña Txiki Elkarteak antolatuta, Kaldereroen Konpartsa aterako da Plaza Zaharretik.
23:30 "Incansables" txaranga kalez kale.

OTSAILAK 4, IGANDEA
12:15 Iñauterietako kontzertua, Tolosako Musika Banda eta  Udal Txistulari Banda, Berdura plazan.

OTSAILAK 8, "OSTEGUN GIZENA"
11:30 Udal Txistulari Bandak  Inauterietako Zortzikoa joz egingo du ohiko ibilbidea.
11:45 Ostegun Gizen konpartsaren agerpena plaza zaharrean.
Kabi-Alai elkarteak 2018ko "Inauterizale Kuttuna" izendatuko du. Ondoren pregoia.
12:00 Plaza Zaharrean, suziria  jaien hasiera iragartzeko.
12:00 Pintxana eta Kabi-Alai txarangen irteera,  Aroztegieta kaletik.
14:00 Txosnagunean Zahagi ardoa. Zuk jana, txoznak edana.
16:30 Zezen Plazan zezen-festa,  Pintxana eta Kabi-Alai txarangek alaitua. Ondoren, kalejira.
19:00 Txosnagunean kontzertua.
19:30 Emakumeon plazatik "zezen suzkoa".
20:00 Aurrera Kirol Elkartearen danborrada.
22:00 Kontzertua txosnagunean.

OTSAILAK 9, "OSTIRAL MEHEA"
11:30 Ozenki Txistulari taldearen kalejira.
16:30 Zezen Plazan xexen-festa, Kabi-Alai txarangak alaituta. Ondoren, kalejira.
20:30 Ostiral Mehe eguneko danborrada.
22:00 Txosnagunean kontzertua.
22:30 Arpegi Taldeak antolatuta, Ostiral Mehe eguneko jaialdia Leidor aretoan.
23:30 "Jainekin" txarangaren irteera.

OTSAILAK 10 "ZALDUNITA" BEZPERA
11:00 Tolosako Erraldoi eta buruhandiak, Tolosako Dultzaineroez lagundurik. Irteera Plaza Zaharretik.
11:00 Musika eskolako ikasle bandaren kalejiraren irteera, musika eskolatik.
11:00 eta 17:00, Kabi-Alai elkarteko txarangaren irteera.
11:30 Udaberri Dantza Taldeak antolatuta, Dantzari txikien kalejira abiatuko da Triangulotik. Herriko hainbat tokitan saioak eskainiko dituzte.
17:00 Aiz Orratz elkarteak antolatuta, haur danborrada aterako da Geltoki kaletik.
19:00 Tolosako Danborradaren irteera Triangulotik.
22:00 Txosnagunean kontzertua.
23:30 "Iraunkorrak" eta "Oriako Txaranga" txarangak kalez kale.

OTSAILAK 11, "ZALDUNITA"
08:00 Diana, Tolosako Musika Bandarekin.
08:45 Herriko  txistulari bandak ohiko ibilbidea eginez, Inauterietako Zortzikoa joko du.
10:00 Txarangen irteera.
11:00 Plaza Berrian sokamuturra  Alcoyano txarangak alaituta.
11:00 Karroza eta konpartsen irteera.
15:45 Udal Txistulari Bandak  "Idiarena" pieza joz egingo du ohiko ibilbidea.
16:00 Kalejira Veleta-Aiz Orratz, Txapel Haundi eta Sukalde txarangekin, Plaza Zaharretik Zezen Plazaraino.
16:30 Zezenak Zezen Plazan; txarangak eta txistulariak arituko dira ikuskizuna alaitzen. Ondoren kalejira.
19:00 Txosnagunean kontzertua.
19:00 Dantzaldia Berdura Plazan Veleta-Aiz Orratz, Txapel Haundi eta Sukalde txarangekin.
22:00 Txosnagunean kontzertua.
23:30 "Kalean" eta "Oriako Txaranga" txarangak kalez kale.

OTSAILAK 12, "ASTELENITA"
09:00 Txarangen irteera.
11:00 Plaza Berrian sokamuturra Berazubi txarangak alaituta.
11:00 Karroza eta konpartsen irteera.
16:00 Kalejira Poca Tripa, Tolosano eta Arco Iris txarangekin, Plaza Zaharretik Zezen Plazara.
16:30 Zezenak Zezen Plazan; txarangak arituko dira ikuskizuna alaitzen. Ondoren kalejira.
19:00 Dantzaldia Berdura Plazan, Poca Tripa, Tolosano eta Arco Iris txarangekin.
19:00 Txosnagunean Kontzertua.
22:00 Txosnagunean kontzertua.
23:30 "Bonberenea" eta "Incansables" txarangak kalez kale.

OTSAILAK 13, "ASTEARTITA"
06:00 Udal Txistulari Bandak Alborada joko du Udaletxeko arkupetan, Berdura plazan eta Felipe Gorriti plazan.
08:00 Elkarteetako txarangek alaituta, Pattar zezena Zezen Plazan. Ondoren kalejira.
11.00 Plaza Berrian sokamuturra Kabi Alai txarangak alaituta.
11:00 Karroza eta konpartsen irteera.
12:00 Plaza Berrian txarangen bilkura;
San Esteban, Sukalde, Arco Iris eta Txapel Haundi txarangen  eskutik. Euria bada, Berdura plazan. Ondoren kalejira Gaztelako Ateraino
15:45 Herriko  txistulari bandak, ohiturazko ibilbidea eginez, "Idiarena" pieza joko du.
16:00 San Esteban, Kabila eta Urdiña Txiki txarangekin, Plaza Zaharretik Zezen Plazara.
16:30 Zezenak Zezen Plazan; txarangak eta txistulariak arituko dira ikuskizuna alaitzen. Ondoren kalejira.
19:00 Dantzaldia Berdura plazan San Esteban, Kabila eta Urdiña Txiki  txarangekin.
23:00 "Sardinaren agurra". Kalejira Gure Txokoa elkartetik abiatuta.
23:30 "Incansables Zaharrak" txarangaren irteera.

OTSAILAK 18,  "PIÑATA" IGANDEA

Poca-Tripa txaranga Iurreamendi Egoitzara joango da.
16:30 Zezen plazan xexen festa Kalean txarangak alaituta. Ondoren kalejira.