Herriak eta Hiriak
Estreinaldia
Arriaga Antzokiak 'Obabakoak' moldaketaren estreinaldia hartuko du
Erredakzioa
Antzezlanaren erabateko estreinaldiak jasoko ditu bi hizkuntzatan; lehenengo euskaraz, urriaren 18tik 21era, eta ondoren gaztelaniaz, azaroaren 23tik 26ra.
-
Bernardo Atxaga eta Calixto Bieito 'Obabakoak' lanaren aurkezpenean Arriaga Antzokian. EFE.
Calixto Bieito Arriaga Antzokiko zuzendari artistikoak Bernardo Atxagaren Obabakoak zuzenduko du, eleberriko unibertsoa agertokira eramango duen konposizio poetiko, bisual eta fisikoa.
Bieitok berak egin du Obabakoak lanaren antzerkirako moldaketa, Arriaga Antzokiaren denboraldi honetako ekoizpen lan propio nagusia, eta euskaraz eta gaztelaniaz eskainiko da.
Arriaga Antzokiak antzezlanaren erabateko estreinaldiak jasoko ditu bi hizkuntzatan; lehenengo euskaraz, urriaren 18tik 21era, eta ondoren gaztelaniaz, hilabete geroago, azaroaren 23tik 26ra.
Zoriontsu eta ilusioz bete #Obabakoak aurkeztu berri. Datorren astean estreinaldi handia!! pic.twitter.com/mGdEkUad4X
— Teatro Arriaga (@Teatro_Arriaga) 10 de octubre de 2017
Proiekzioak, musika eta bestelako soinu elementu batzuk, gorputz adierazpena eta koreografia zainduak izango ditu antzezlanak, Obabakoak antzerkia gainditzen duen lana baita.
Lan honetan, euskal antzezle hauek arituko dira: Joseba Apaolaza, Itziar Lazkano, Iñake Irastorza, Lander Otaola, Gurutze Beitia, Eneko Sagardoy, Ylenia Baglietto, Miren Gaztañaga, Ainhoa Etxebarria, Koldo Olabarri eta Karmele Larrinaga.
Arriagan estreinatu ondoren, Obabakoak lanaren euskarazko bertsioak 5 emanaldi eskainiko ditu Bartzelonako Teatre Lliure antzokian, eta ondoren bira bat hasiko du Euskaditik.
Obabakoak lanaren estreinaldia dela eta, hainbat solasaldi antolatu dira emanaldien aurretik, eta baita Atxagarekin eta Bieitorekin topaketa bat ere, azaroan.
