Bilbo
Irailaren 24an izango da
AGENTZIAK | ERREDAKZIOA
200 pertsonak hartuko dute parte desfilean, "Training Day" egunaren baitan.
Star Wars-en desfile bat, AEBn. Argazkia: The 501st Legion
Bilbo prest dago jada larunbatean Star Wars-en desfilea hartzeko. Egun horretan, Darth Vaderrek eta 200 soldadu inperialek hiriko kaleetan barrena egingo dute, Legion 501 nazioarteko elkartearen eskutik, 'Training Day' ekimenaren baitan.
Desfilea 17:30ean abiatuko da Sota eraikinetik, Moyua plazan. Ondoren, El Corte Ingleserako noranzkoa hartuko dute, eta gelditu egingo dira Aldundiaren egoitzan. Horren ostean, Mazarredora joango dira, eta han buelta eman eta berriz ere geldituko dira Espainiako Gobernuaren ordezkaritzan. Segidan, Jesusen Bihotza plazaraino joango dira, eta Casilda Iturrizar parkean bukatuko da.
Hauxe da eguneko programa:
Larunbata, hilak 24
17:30 Desfilearen hasiera
19:30 Desfilearen amaiera
19:45 Photocall eta hainbat jarduera Casilda Iturrizar parkean
22:00 Ekimearen bukaera
Astelehena, hilak 26
Tropa inperialek Miserikordi egoitza eta Basurtuko Ospitalea bisitatuko dituzte. Bertan, umeekin izango dira.
Asteartea, hilak 27
Enkantea egingo dute Bilbao Centroren egoitzan.
Asteazkena, hilak 28
Jaia egingo dute itsasadarretik, ontzi batean, 80ko hamarkadako kutsuarekin. Disko-jartzaileak ere izango dira.
ELKARTASUNA
Desfileak helburu solidarioa ere izango du. Izan ere, eskumuturrak salduko dituzte, bi euroan, eta bertan bildutakoa garapen bidean dauden herrialdetara elgorriaren aurkako txertoak bidaltzera eta Otxarkoagako jantoki sozialera bideratuko dute.
Gainera, hilaren 26an, tropa inperialek bisita egingo dute Bilboko Erruki Etxera eta Basurtuko Ospitalera. Bertan, opariak banatuko dituzte umeen artean.
Hurrengo egunean, enkante solidarioa egingo dute, eta dendek erakusleiho lehiaketa egingo dute. Erabiltzaileek faboritoa aukeratu ahal izango dute sare sozialen bidez.
Itsasadarrak ere, 'Star Wars' sagaren bisita jasoko du, ontzi batean jaia antolatuko baitute.
latuko baitute.orain albiste
Kirola
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa