Budha dantzalekua lau hilabete itxi du Bilboko Udalak

Bilboko Udalak Budha dantzalekua lau hilabete ixtea agindu du, baimendutako edukiera gainditzeagatik.

Udaltzaingoak urrian atzeman zuen urraketa hori, establezimenduaren barruan 141 pertsona zenbatu baitzituen, hau da, baimendutakoa baino % 42 gehiago.

Hori arau-hauste "larria" da Ikuskizun Publikoen legearen arabera.

Zigorra apirilaren 4an sartuko da indarrean, eta irmoa da bide administratiboan, baina helegitea jar daiteke administrazio-auzietarako epaitegian.

Azken aldian, Bilboko Udalak hainbat establezimendu itxi ditu, arrazoi ezberdinak tarteko, hala nola Peso Neto jatetxea (San Frantzisko) eta Modesto eta Pin-up tabernak (Zazpikaleak).