Euskal Herriko 2.285.874 hauteslek botoa emateko eskubidea dute

Guztira, Euskadiko 1.783.357 hauteslek botoa emateko aukera izango dute igandeko hauteskunde orokorretan, horietako 1.715.072 Estatuan bizi dira eta 68.278 atzerrian.

Estatistikako Institutu Nazionalak (EIN) jakitera eman duenez, boto-emaile gehienak bizkaitarrak dira (948.067). Era berean, 580.709 hautesle gipuzkoarrek botoa emateko eskubidea dute, eta baita Arabako 254.581 boto-emaileek ere.

Nafarroan, 502.517 pertsonek bozkatzeko eskubidea izango dute, horietatik 25.350ek postaz botoa ematea eskatu dute.

477.774 boto-emaile Foru Erkidegoan bizi dira eta 24.743 atzerrian, Gobernuaren Ordezkaritzak jakitera eman duenez.

Iruñeko hautesleku bat. Argazkia: EFE

Estatuan, 36.518.100 hauteslek botoa emateko eskubidea dute, horietako 34.597.844 Espainian bizi dira eta 1.920.256 atzerrian.

Estatuan bizi direnen artean, 197.245ek aurreneko aldiz bozkatzeko aukera izango dute, aurreko hauteskundeetatik 18 urteak bete dituztelako.

Segurtasuna

Guztira, 1.100 ertzainek segurtasuna bermatzeko ardura izango dute igandeko hauteskundeetan. Udaltzaingoekin eta unitate bereziekin elkarlanean arituko dira.

Artezilari, txakur, helikoptero, lurpeko baliabide eta brigaden laguntza izango dute ertzainek. Edozein istiluri berehala aurre egiteko prest egongo dira.

Hauteslekuak babesteko ardura izango duten ertzainak mahaiko presidentearen aginduetara egongo dira. Besteak beste, hauteslekuetan propaganda politikoa eragotziko dute.

Iruñeko hautesleku bat. Argazkia: EFE

Nafarroan, dispositiboa Estatuko segurtasun indarretako 2.124 agentek osatuko dute: 1.000 guardia zibil, 485 polizia nazional, 400 foruzain eta Iruñeko 239 udaltzain.

329 hauteslekutan 958 mahai izango dira Nafarroan. 3.100 hautestontzi izango dira eta 950 kabina. 68 hautestontzi eta 14 kabina berri jarri behar izan dituzte oraingoan.