EAE-ko Hauteskundeak 2024 -
Hauteskundeak
Eztabaidak 'denekin' izango dituela esan du Urkulluk
EAJren lehendakarigaiak "egia" esateko eta "erreskatea eskatuko duen ala ez" argitzeko eskatu dio Rajoyri.
Erredakzioa
Iñigo Urkullu EBBko presidente eta EAJren lehendakarigaiak Patxi Lopezek eskatutako "aurrez aurreko eztabaida" egiteari erantzun dio eta "denekin" egingo duela adierazi du, "nik ez dut legebiltzarreko ordezkaritzaren sistema galbideratuko".
Donostian, EAEko hauteskundeetarako kanpainaurreko ekitaldi batean adierazi duenez, "aurrez aurreko eztabaida" alderdi guztiekin egingo du.
Bestalde, "Jaurlaritzaren kontuen egoeran konfiantza izango balu, azalpenak emateko ez luke beldurrik izan beharko", adierazi du Patxi Lopezi aipamen eginez.
"PSEren gobernuaren ahalmenean sinisten badu, ez dakit zergatik aurreratu dituen hauteskundeak", galdetu du Urkulluk.
Bestalde, Mariano Rajoyren gobernuari "egia" esateko eskatu dio eta "erreskatea eskatuko duen ala ez argitzeko". Ildo honetan, eskatuz geroz, "lehenbailehen" egiteko gomendatu dio.
