EITB TALDEA
Audientziak
ETB2 eguneko kanalik ikusiena izen zen asteartean, beste behin, Euskadin
EITB
% 10,5eko audientzia-zatia lortu zuen. "Teleberri 2" albistegia astearteko saiorik ikusiena izan zen EAEn eta, guztira, 232.000 ikus-entzuleko audientzia metatua lortu zuen Euskadin eta eragin eremuan. "Teleberri 1" ere liderra izan zen, % 26,4ko kuota ikusgarriarekin.
-
'Tasio'
Sekulako asteartea izan zen atzokoa ETB2rentzat: eguneko kanalik ikusiena izan zen Euskadin, % 10,5eko audientzia-zatiarekin, eta hainbat saio eta albistegik emaitza bikainak lortu zituzten. Hala, Teleberri 2 gaueko albistegia liderra izan zen bere ordu tartean, eta eguneko saiorik ikusiena EAEn, % 21,4ko audientzia-zatiarekin. Guztira, 232.000 ikus-entzuleko audientzia metatua lortu zuen Euskadin eta eragin eremuan. Teleberri 1 ere liderra izan zen, eta datu ikusgarriarekin, gainera: % 26,4a.
Urtero lez, Euskararen Egunarekin eta Nafarroaren Egunarekin bat egin zuen EITBk abenduaren 3an eta, ospakizun horiei lortuta, 40 urteren ostean zaharberritutako Tasio filmaren estreinaldia egin zuen La Noche De… saioak. Emaitza oso ona lortu zuen emanaldi bereziak: % 11,9ko kuota Euskadin eta % 10,6koa Nafarroan. Euskadiko Filmategiak 4K-n zaharberritu du Montxo Armendarizen lana, eta ibilbide aparta izan du nazioarteko jaialdietan. Atzokoan ere harrera beroa eign zioten ETB2ko ikus-entzuleek. Primeran doako streaming plataforman ikusgai dugu pelikula.
Estreinaldiaren aurretik Dani Alvarezen La Noche De… zinema saioa ere bikain aritu zen, % 10,9ko audientzia-zatia bereganatuta; eta Atrápame Si Puedes lehiaketak, berriz, % 10,3ko kuota lortu zuen.
