EITB TALDEA
EITB PILOTAREN ETXEA
EITB, berriz ere erreferente kirol hitzordu nagusietan: Lau t'erdiko finala, liderra Euskadin eta Nafarroan
eitb media
Emanaldiak ia % 20ko datua lortu zuen Euskadin, eta, euskaldunen artean, % 25,8koa. Nafarroan sekulakoa izan da: % 36,7ko datu ikusgarria; eta, euskaldunen artean, ikaragarria: % 63,0.
-
EITB, berriz ere erreferente kirol hitzorduetan: Lau T'erdiko finala, liderra Euskadin eta Nafarroan
Igande honetako Lau t'erdiko pilota finalaren ETB1eko zuzeneko emanaldia liderra izan zen bere tartean Euskadin eta Nafarroan, 236.000 ikus-entzuleko audientzia metatuarekin. Emanaldiak datu bikainak lortu zituen: Euskadin, % 19,8ko ikusle kuota (% 25,8koa, euskaldunen artean); Nafarroan, are ikusgarriago: % 36,7ko audientzia-zatia (eta % 63ko datu ikaragarria, euskaldunen artean).
Profesional lantalde eta bitarteko tekniko zabal batek pilotaren zirrara eta ikusgarritasuna ikus-entzuleei helarazi zien ETB1en, Euskadi Irratian, Radio Euskadin eta eitb.eus-en. Kontakizuna sare sozialen bidez ere jarraitu ahal izan zen. Berriro ere, EITB erreferente dugu kirol hitzordu nagusietan.
Go!azen 11k indartsu hasi du denboraldi berria
Asteburu bikaina izan da ETB1entzat, ostiral gauean hasita. Izan ere, harrera ezin hobea izan zuen Go!azen gaztetxoei zuzendutako telesailaren 11. denboraldiak. ETB1eko eguneko saiorik ikusiena izan zen Euskadin eta % 6,3ko kuota lortu zuen. 4-14 urte bitarteko ikus-entzuleen artean, gainera, % 37,5era iritsi zen. Nafarroan, gainera, liderra izan zen euskaldunen artean bere ordu tartean, % 22,1arekin.
