EITB TALDEA
Batzen gaituzten emozioak
Radio Vitoriak 90. urteurrena ospatu du Andre Maria Zuriaren plazan, programazio bereziarekin
EITB MEDIA
08:00etatik 15:00etara izan dira bertan. Irratiaren historia idatzi duten hainbat profesional eta lagun hartu dituzte set berezian, eta urteurrena ospatzeko tarta izan dute. Katiluak ere banatu dituzte Radio Vitoria zoriontzen dutenen artean.
-
Andre Maria Zuriaren plazan Radio Vitoriak jarritako set berezia
Astelehen honetan, irailak 30, 90 urte bete ditu Radio Vitoriak eta herritarrekin ospatu du urteurrena, kalean. Andre Maria Zuriaren plazan izan dira, zuzeneko programazio bereziarekin, 08:00etatik 15:00etara.
Lehen orduan, Aratz Goikoetxeak Ramiro Gonzalez Arabako ahaldun nagusia elkarrizketatu du, eta, goizean zehar bertatik igaro dira Radio Vitorian funtsezko pieza izan diren hainbat pertsona. Hala, irratiaren historia idatzi duten profesionalen bisita jaso dute, bederatzi hamarkadatan kontatutako gertaerak gogoratuko dituzte, Radio Vitoriako mikrofonoetan ibilbidea hasi zuten pertsonaia ezagunekin hitz egin dute, eta Arabako kirolak utzi dizkigun pasarte epikoenak gogoratu dituzte. Irratiak gizartearen eraldaketaren duen eginkizuna balioan jarri dute beste behin.
Nola ez, tarta izan dute, eta opari berezia ere banatu dute irratia zoriontzera bertara gerturatzen direnen artean: Radio Vitoriaren 90. urteurrena ospatzeko katilua. Amaitzeko, "La Cátedra" kirol tertulia egin dute plazatik, eta bertaratzen direnen artean sarrera bikoitz bat zozkatu dute urriaren 6an Alaves eta Bartzelonaren arteko partida ikusteko.
Radio Vitoriak 90 urte: Batzen gaituzten emozioak
