EITB TALDEA
Saria
Felix Linaresek Zinebiren Ohorezko Mikeldi saria jaso du
EITB Media
Bilboko Dokumentalen eta Film Laburren Nazioarteko Jaialdiak irratian eta telebistan egindako ibilbidea zein zinema kritikari lana aitortu dio EITBko kazetariari.
-
Felix Linares EITBko kazetaria Ohorezko Mikeldi sariarekin
Felix Linaresen ibilbidea nabarmendu du aurten Zinebi Bilboko Dokumentalen eta Film Laburren Nazioarteko Jaialdiak. Joan den ostiralean Arriaga antzokian egindako irekiera ekitaldian, banatutako hiru Ohorezko Mikeldi sarietako bat jaso du EITBko kazetariak. Beste biak Frederick Wiseman dokumentalista estatubatuarrarentzat eta Rita Azevedo Gomes zinemagile portugaldarrarentzat izan dira.
ETB2ko "La Noche de…" saioa aurkezteari utzi dion urtea baliatu du Zinebik Linaresi aitortza egiteko, telebistan ez ezik, irratian ere ibilbide luze eta oparoa osatzeagatik. Halaber, kultura hedatzen eta bereziki literatura eta zinema arloetan egindako aditu lana goraipatu ditu.
