EITB TALDEA
Grand Départ Pays Basque
60.000 ikurrin inguru banatuko dira herritarren artean Tourra Euskal Herritik aterako den honetan
EITB MEDIA
EITBk eta Kutxabankek bultzatu dute ekimena, Eusko Jaurlaritzaren Euskadi Basque Country markaren babesarekin. EITB, bestalde, ekainaren 26an hasiko da Euskal Herrian zehar banaketa egiten.
Grand Départ Pays Basque Tourrak Euskadin egingo duen irteera historikoaren inguruan ekimen berezi eta herrikoia landu dute EITBk eta Kutxabankek, Eusko Jaurlaritzaren Euskadi Basque Country markaren babesarekin: Oroimenezko ia 60.000 ikurrin banatuko dira herritarren artean datozen egunetan.
Ekintza berezi hau ostegun honetan (ekainak 15) aurkeztu da Bilbon, Inés Monguilot Kutxabankeko Marketina eta Publizitateko zuzendariaren eta Luis Manuel Martin EITBko Promozio eta Irudi buruarekin parte hartzearekin.
Inés Monguilotek, Kutxabankeko Marketin eta Publizitate zuzendariak, kirol ekitaldiaren garrantzia azpimarratu du: "Ekimen honekin bat egin dugu, Euskadirentzako mugarri historiko honetan erakundeak babestuz, tokiko zein nazioarteko mailan oihartzun handia duen ekitaldia baita. Euskadi ez ezik, Kutxabank ere gure herrialdeko finantza-erreferentziako erakunde gisa kokatu nahi dugu".
"Ikurrinak irudikatzen duen sinbolismo horren bidez, ongietorria eman nahi diegu hona hurbiltzen diren guztiei", adierazi du Monguilotek. "Lasterketa eta milaka gonbidatuak Euskadira iristen direnean dagokien bezala hartu nahi ditugu, edizio hau bakarra eta errepikaezina baita", gaineratu du.
Gainera, oroimenezko ikurrinak banatzeko aliantza honekin duen lankidetza azaldu du: "Ikurrinak Tourra igarotzen den herri eta hirietako gure bulegoetan banatuko ditugu".
Luis Manuel Martin EITBko Promozio eta Irudi buruak adierazi duenez, martxan jarritako ekimenaren helburua da une historiko hau ospatzea eta herrialde hau eta txirrindularitzarekiko duen zaletasun handia mundu osoan ezagutaraztea. "Tourra munduko txirrindularitza lasterketarik garrantzitsuena da, eta euskal zaleek inoiz baino pasio handiagoarekin animatuko dute lasterketa", gaineratu du.
Ikurrin banaketaren ekintzaren honekin grin hori erakutsi nahi da: "Beste behin ere ikurrinez bete nahi ditugu kaleak, balkoiak eta errepideak. Emozio bihurtu den zaletasun hau mundu osora zabaltzea nahi dugu", adierazi du Luis Manuel Martinek.
Ikurrinak banatuko dira
Banaketa
Kutxabank gaur bertan hasiko da ikurrinak banatzen ekainaren 1etik aurrera Tourra igaroko den Euskal Herriko herri eta hiri guztietako bulegoetan.
Halaber, EITBren eskutik, ekainaren 26an ikurrinak banatuko dira egun osoan zehar Gasteizen, Loma Jeneralaren kalearen eta Andre Maria Zuriaren plazaren elkargunean.
Asteartean, hilak 27, Zornotzako herriko plaza izango da banaketa-gunea; eta, hurrengo egunean, ekainak 28, Donostiako Alderdi Ederren, udaletxearen aurrean.
Hilaren 29an, Bizkaiko hiriburuko Abando eta Guggenheim Bilbao izango dira berriz ere ikurrinak entregatzeko gunea. Gainera, EITBk ikurrinak banatuko ditu ekainaren 29an, 30ean eta uztailaren 1ean Bilboko Areatzan dagoen Tourreko Fan Park gunean.
Aurkezpenaren argazkia
