Grünenthal Fundazioak Radio Vitoria saritu du

Radio Vitoria EiTBko irrati kanalak Grünenthal Fundazioaren Kazetaritza sarietako bat jaso du gaur. Pilar Ruiz de Larreak gidatzen duen 'Radio Vitoria Gaur Magazine' irratsaioa nabarmendu dute, joan den urriaren 17an,  Minaren Mundu Egunean, gaiari eskainitako tarte zabalarengatik. Ruiz de Larreak berak jaso du saria Madrilen.

Grünenthal Fundazioa 2000. urtean sortu zen. Minez dauden gaixoen bizi kalitatea hobetzea da erakundearen helburua. Bultzatzen dituen ekimen guztiak dute xede hori. Ikerkuntza, prestakuntza, eta zientzia eta gizartearen esparruan dibulgazioa egitea  da euren lana,  mina duten pertsonen sufrimenduaren ondorioak  samurtzeko.

Grünenthal Fundazioak minaren inguruan herritarrak sentsibilizatzeko kazetari eta hedabideek egindako lana saritzen du urtero. Hamargarren edizio honetan, Radio Vitoriarekin batera Televisión Española, La Sexta, Telemadrid, El País, Público, El Periódico de Cataluña eta Vocento nabarmendu dituzte.