Abisu horia ezarri dute Euskadin, euriteengatik

Herrizaingo Sailak ostegunerako eta ostiralerako abisu horia ezarri du Euskadin, metro karratuko 60 litro bildu ditzaketen euriteengatik, Kantauri itsasoan batik bat.

Abisu horia osteguneko 15:00etatik ostiraleko 09:00etara arte aktibatuko dute. Ostiralean abisua laranja izango da, Kantauri itsasoan 24 ordutan 80l/m2 bota ditzakeelako.

Euskalmet euskal meteorologia agentziaren arabera, bi egunetan euria izango da nagusi; indartsua eta ekaiztsua izango da gune batzuetan.

Larunbatean zeruak estalita jarraituko du, eta euria egingo du, arratsaldean batik bat.

Bestalde, Herrizaingo Sailak amaitutzat jo du atzo aktibatutako abisu horia 100 km/h-ko abiadura baino handiagoko haize-boladengatik.