Formigalgo eski-estazioa

Huesca probintzian kokatzen da. Eskiatzeko dituen 97 pistei esker, lehenengo mailako nazioarteko zentro turistikoa da Formigal, udan nahiz neguan.

Formigal eski estazioa Huesca probintzian dago, Sallent de Gallegoko udalerrian, Frantziako mugatik kilometro gutxitara. Nazioarteko zentro turistikoa da, udan nahiz neguan mota guztietako entretenimenduak eskaintzen dituena.

Formigalen hainbat kirol praktikatzeko aukera eskaintzen da, nahiz eta gehienbat eski alpinoagatik ezaguna izan. Ezin ahaztu erraketekin ibiltzeko aukera edo eta boarder cross pista hartzeko ere bertan direla. Formigaleko pistetatik panoramika zoragarriak ikus daitezke. Midi-Pyrénees mendikatearen tontor nagusienak begiztatu daitezke Tres Hombres izeneko gailurretik, tartean, Midi D´Ossau, Balaitus, Picos de Argualas, Picos del Infierno, Ferraturas eta Baladrias.

Kirol eta aisialdirako jarduerak praktikatu daitezke uda bitartean. Gainera, uztailean eta abuztuan igerileku irekiaz gozatzeko aukera dago. Honekin batera, tankera guztietako kirol ekitaldiak eta alderdi eder hauetatik txangoak ere prestatzen dituzte.

Nola heldu: errepidetik, Donostiatik, Iruña-Jaka-Formigal norabide hartuta. Hurbil dauden aireportuak: Pau (66 km-ra), Huesca-Pirinioak (102 km-ra), Iruña (160 km-ra) eta Zaragoza, (165 km-ra).

Harremanetarako: formigal.com webgunea. Telefonoa: 976 976 071

Formigaleko elur iragarpena kontsultatu eitb.eus-en.

Formigal webkamerari esker, unean-uneko eguraldia ezagutu.

Bidali eski argazkiak!