Somport-Candanchuko eski-estazioa

Somport-Candanchuko estazioa, Aragoiko eta Frantziako mugan dago, Piriniotako Parke Nazionalaren barruan. Aspeko Bailararen goialdetik paseo ederrak eman daitezke.

Somport-Candanchu eski-estazioan iraupeneko eskia, alpinoa eta snowboard-a praktikatzeko aukera dago. Candanchuk Espainiako Biathlon Kross Txapelketak hartu ditu. Gainera, Slalom eta Super Gigantea txapelketak ere bertan egiten dira.

Somport-Candanchu estazioak iraupeneko eskia egiteko 35 Km (5 pista) ditu, beste 531,45 metro eski alpinorako eta 3,5 Km bestelako ibilbideak egiteko. Elur mailarik txikiena 1.560 metrokoa da eta maximoa 2.400 metrokoa. Oinez Santiago bidea egiteko aukera ere baduzu, Somport-en irten eta Garesera iritsi artekoa, alegia.

Nola iritsi: Gasteiztik aterako gara eta 237 Km egingo ditugu Somport-Candanchura iristeko. A-104a hartuta A-15era arte joko dugu Iruñera bidean jartzeko, ondoren N-240-tik jarraituko dugu eta Jaka zeharkatuko dugu, gero, N-330etik eta E-7tik Canfranc zeharkatu eta N-330tik jarraituta Somportera iritsiko gara.

Harremanetarako: candanchu.com webgunea Telefonoa: 974373194

Somport-Candanchuren elur iragarpena kontsultatu eitb.eus-en.

Somport-Candanchuren webkamerari esker, unean-uneko eguraldia ezagutu.

Zure eski argazkiak bidali!