Maixabel Lasa: 'Biktimen bulegoan ere haize berria behar dela uste dut'

Maixabel Lasak utzi egingo du Biktimen Zuzendaritza 11 urteren ondoren. Euskadi Irratiko Mezularian iragarri du erabakia jaime Otamendik egindako elkarrizketan eta bere senarra hil zuen pertsonarekin izandako hartuemanaz hitz egin du: "egindako mina onartu eta barkamena eskatzen duen edonork merezi du beste aukera bat". Garai berriei buruz galdetuta, nabarmendu du ETA ez dela oraindik desagertu eta ezker abertzaleak ez duela behar adinako autokritikarik egin.