'Lehen ura eskatzen zuten, orain ura nahi dut esaten dute'

Hizketarako zailtasunak dituzten pertsonei laguntza paregabea ekarri die E-mintza aplikazioak. Esan nahi dutenaren irudia pantailan ukitu eta ahots elektronikoak esaten du, eurek esan ezin dutena. Baita euskaraz ere. Autismoa dutenekin egin dira proba gehienak, baina beste gaitz askok ere eragiten dituzte hizketarako zailtasunak. Ane Basurko logopeda eta Fermin Sanchez teknologia arduraduna izan dira Faktorian, E-mintza-ri buruzko azalpenak ematen.