Teknologia -
Golardoa
Steve Jobsek hil osteko Grammy saria jasoko du
Appleko fundatzailea, iPod eta iPhone eta beste hainbat produkturen sortzailea, joan den urrian zendu zen, pankreako minbiziak jota. Musikaren industriari egindako ekarpenagatik emango diote saria.
Erredakzioa
Steve Jobs Appleko fundatzailea, iPod, iPhone, iPad eta beste hainbat produkturekin kontsumo elektronikoan iraultza egin zuen guru teknologikoa joan den urrian hil zen, pankrea minbiziak jota. Orain, Jobsi hil osteko Grammy saria emango diote musikaren industriari egindako ekarpenagatik.
Grammy sarien 54. edizioa datorren otsailaren 12an, Los Angeleseko Staples Center aretoan egingo dute eta ABEtako CBS telebista kateak eskainiko du.
Diana Ross abeslariak, Llaman Brothers Band taldeak eta George Jones country izarrak jasoko dute egindako ibilbidea saritzen duen golardoa.
Pal McCartney abeslariak Urteko Pertsonaia saria jasoko du.
