'La Guerra de las Galaxias', Amazon.es atariaren lehen salmenta

Hiru urteren ondoren, erosleek produktuak eros ditzakete Amazon.es-en. Hori horrela, web orrialdeko lehenengo erosleak “La Guerra de las Galaxias” pelikularen pakete osoa erosi du.

Datu hori oharkabean pasatuko zen, erosketa historikoa izateaz gain ukitu futurista duen kultur produktu bat ez balitz. Amazon.com atariak Espainian saldu zuen lehen liburua (El mundo en el 2020) ere estilo horretakoa da. Burgostar batek erosi zuen, 1995ean.

Urte horretan bertan (1995) martxan jarri zutenetik, Amazonek “milioika” produktu saldu ditu Espainian, Greg Greeley Amazonek Europarako duen lehendakariordeak adierazi duenez. Horren hitzetan, konpainian erabiltzaileen hainbat mezu elektroniko jaso dituzte, Amazon.es “noiz iritsiko zen” galdezka.

Asteazken honetan aurkeztu dute Espainian Internet bidez erosketak egiteko Amazon.es ataria, baina Greeleyk ez du zehaztu Kindle liburu digitalen irakurgailua komertzializatzeko zein asmo duten.

Greeleyren arabera, Kindle ez dute Amazon.es atarian salduko errazagoa delako lege ikuspegi batetik nazioartean duten azpiegituratik egitea.

Amazon.es atarian oraingoz liburu fisikoak salduko dituzte gaztelaniaz, katalanez, euskaraz eta galegoz, eta baita ingelesez, frantsesez, alemanez eta italieraz ere.