Teknologia -
Mezularitza
WhatsApp bidez bidalitako mezuak ezabatu ahalko dira
Erabiltzaileek bi minutu izango dituzte bidalitako mezuak ezabatzeko, berehalako mezuak bidaltzeko aplikazioa lantzen ari den funtzio honekin.
eitb.eus
Mugikor bidez berehalako mezuak bidaltzeko WhatsApp sistema igorritako mezuak ezabatzeko funtzioa lantzen ari da. Bidali eta bi minutu igaro baino lehen ezabatu ahal izango da. Aurrez landutako bertsioan 29 minutuko epea aurreikusi zuten arren, azkenean ezabatzeko denbora bi minutura murriztea erabaki dute arduradunek. Hala azaldu dute @WABetaInfo Twitter kontuan.
Aukera hori erabiltzeko, ezabatu nahi dugun mezua hautatu beharko litzateke, sakatuta mantendu, eta, azkenik, irekitzen den menuan "ezabatu" aukeratu.
Aurreko bertsioaren arabera, edukiaren deuseztapenaren berri izango luke hartzaileak "igorleak mezua baliogabetu du" mezua jaso lukeelako. Oraingoz, ez dute argitu abisu hori gehituko luketeen ala ez.