Martxan da Whatsapp ordenagailuan erabiltzeko webgunea

Whatsapp mezularitza aplikazioak zerbitzua ordenagailu pertsonaleko nabigatzailean ere erabili ahal izateko aukera ematen du gaurtik aurrera.

Facebookek erositako konpainiak iragarri duenez, Google Chrome nabigatzailea erabili beharra dago Whatsappen webgunetik mezuak bidali ahal izateko, eta erabiltzaileak aplikazioa instalatuta eta martxan izan behar du sakelako telefonoan (iPhone dutenek ezingo dute, oraingoz).

Zerbitzu hori ordenagailuan erabiltzen hasteko, QR kode bat irakurri beharko da sakelako telefonoarekin Whatsapp Chrome nabigatzailean irekita.

Webgunetik bidalitako mezuak edo jasotakoak sakelako telefonoko aplikazioan ere gordeko dira.