Politika -
Presoen alde
Baionako manifestazioan Martin espainiaratu izana salatuko dute
Larunbatean Baionan presoen alde egingo duten manifestazioan 6.000 eta 10.000 lagun artean biltzea espero du Herrira taldeak.
Erredakzioa
Herrira euskal presoen eskubideen aldeko plataformak Aurore Martin Ipar Euskal Herriko Batasuneko buruzagia espainiaratu izana salatuko du larunbatean Baionan, presoen alde deitutako manifestazioan.
Herrirako arduradunek Baionan eskaini duten prentsaurrekoan adierazi dutenez, “6.000 eta 10.000 lagunen artean biltzea” espero dute. Manifestazioa 15:30ean aterako da Baionako Euskaldunen Plazatik.
Ipar Euskal Herriko Batasuneko buruzagia (frantziar hiritartasuna dauka) azaroaren 1ean atxilotu zuen Frantziako Poliziak, Maulen, errepide kontrol batean, eta, ondoren, Guardia Zibilaren esku utzi zuen, Biriatuko mugan.
Espainiako Justiziak talde terroristako buruzagi izatea egotzi dio Aurore Martini.
