EH Bilduk Industria Politikaren Diseinurako Kontseilua sortzea proposatu du, politika proaktiboak sustatzeko
Industria Politikaren Diseinurako Herri Kontseilua sortzeko proposamena erregistratu du gaur EH Bilduk Eusko Legebiltzarrean. "Ehun industriala indartzea" eta "egungo erronkei aurre egiteko estrategia diseinatzea" izango lirateke bere funtzio nagusiak, horretarako "politika proaktiboa eta etorkizunera begirakoa" ardatz hartuta.
Pello Otxandiano EH Bilduk Gasteizko Ganberan duen eledunak eta Ander Goikoetxea legebiltzarkideak aletu dute proposamena, hedabideen aurrean egindako agerraldian. Azpimarratu dutenez, euskal industriaren egoera "gero eta kezkagarriagoa da hainbat sektoretan" —Guardian eta Talgo aipatu dituzte adibide gisa— eta ezinbestekoa da Eusko Jaurlaritzak "rol proaktiboa" hartzea. "Jaurlaritza ezin da jarrera erreaktibo batera mugatu", ohartarazi du Otxandianok.
Zentzu horretan, koalizioak uste du Imanol Pradales lehendakariak joan den astean iragarritako Euskal Industriaren Ekintza eta Defentsarako Taldeak ez diela aurrea hartuko industriaren alorrean sortzen ari diren arazoei. Horren aurrean, EH Bilduk azaldu du "anbizio handiko industria politika baten aldeko apustua" egin nahi duela, "sektorearen indarguneak aprobetxatu, ahuleziei aurre egin eta Euskadi merkatu globalean posizio lehiakor batean kokatzeko".
EAEko "eragile ekonomiko eta industrial nagusiak bilduko dituen organo egonkor bat sortzea du xede" gaur aurkeztutako planak. Azaldu dutenez, Kontseilu horretan hainbat enpresa eta elkartek izango lukete ordezkaritza: sindikatuak, kooperatibak, unibertsitateak eta eskualdeetako garapen agentziak, besteak beste. Denen parte-hartzearekin industria sektorea suspertzeko "estrategia eraginkor bat diseinatzea" nahiko luke EH Bilduk, begirada "epe luzean" jarrita, baina "proposamen zehatzekin".
Ander Goikoetxea legebiltzarkideak azaldu duenez, "industria politikari lotutako eragile nagusiek osatuko lukete Kontseilua, aditu talde txiki baten aholkularitzak lagunduta". "Horren helburua 10 urterako industria estrategia garatzea eta urtero batzar espezifikoetan berrikustea izango litzateke", zehaztu du.
"Jaurlaritzarentzat eta Legebiltzarrarentzat proposamenak eta txostenak sortzeaz gain", Kontseiluak egunerokoan aplikagarriak diren neurri zehatzetan ere lan egitea proposatzen du EH Bilduk. "Ezin dugu inprobisazioz funtzionatzen jarraitu gure industriaren bideragarritasuna jokoan dagoenean".
Zerrenda bateratuak
Bestalde, galde-erantzunen txandan, joan den asteburuan EH Bilduk proposatutako zerrenda bateratuen proposamena berretsi du Otxandianok, herri mailako interesak alderdien interesen gainetik egon behar dutela sinetsita.
Ezker abertzaleko koalizioak joan den asteburuan Iruñean egin zuen kongresuan jarri zuen proposamena mahai gainean: Senaturako, Kongresurako eta Europako Parlamenturako hauteskundeetarako beste alderdi batzuekin —EAJrekin eta ezker konfederalarekin— zerrenda bateratuak osatzea onartu zuten, "adostasun zabaleko gutxieneko programa komun bat oinarri hartuta". Berehala baztertu dute proposamena jeltzaleek, Sumarrek eta Podemos-Ahal Duguk, ez dela bideragarria iritzita.
Otxandianoren arabera, proposamena "egokia" da eta "dudarik gabe" bere horretan utziko dute aipatutako hauteskunde hitzorduetan. Uste du egungo egoera politikoan are beharrezkoagoak direla halako erabakiak. "Herri ikuspegia duen epe luzeko proposamena da", erantsi du.
Hori horrela, EH Bilduren ordezkariaren hitzetan, "gutxieneko programa adosteko gai" izan beharko lukete alderdiek, eta herriaren interesak lehenetsi.
Albiste gehiago politika
"Eskualdatzeko dauden eskumenak ixteko 10 proposamen zehatz"aurkeztu dizkio Jaurlaritzak Espainiako Gobernuari
Maria Ubarretxena Eusko Jaurlaritzako Gobernantza, Administrazio Digital eta Autogobernuko sailburuak hamar dokumentu eman dizkio gaur Angel Victor Torres Espainiako Gobernuko Lurralde Politikako ministroari, eskualdetzeke dauden transferentzien inguruan "euskal proposamenak zehazten dituztenak". "Ez dugu pribilegiorik eskatzen, errespetu instituzionala baizik eta legea betetzea", esan du Ubarretxenak.
Kongresuak Israeli armak enbargatzea onartu du, Podemosen baiezkoarekin eta PP eta Voxen ezezkoarekin
Podemosek enbargoa “fake” bat dela berretsi du eta benetako arma-blokeoa eskatu du, baina baiezko botoa eman du. Dekretua presazko lege-proiektu gisa izapidetzea ere onartu dute eta, beraz, aldaketak egin ahal izango zaizkio prozesuan zehar.
Torresek defendatu du PSE-EEk eta bere ordezkari guztiek "norabide berean" eta "helburu politiko berarekin" lan egiten dutela
Sailburu sozialistarentzat "mingarria" da EAJ Anduezaren irudia "kaltetzen saiatzea" eta "ez da onargarria" Gobernu Kontseiluko ordezkariak horretan aritzea.
Goia: "Azken 10 urteotan egin dugun kudeaketa, ona zein txarra, PSErekin partekatutako erantzukizuna izan da"
Azken egunetan PSEren eta EAJren buruzagien artean izandako kritiken inguruan mintzatu da Eneko Goia Donostiako alkatea ETB2ko En Jake saioan.
Sarek manifestazioa deitu du Bilbon urtarrilaren 10erako, "salbuespen politika" amaitu dadila eskatzeko
"Ezin da gehiago luzatu" lelopean egingo den mobilizazioan, ETAkoak izatea leporatuta espetxean dauden presoei salbuespenik gabeko espetxe politika arrunta aplikatzea eskatuko dute.
Alberto Martinez datorren astelehenean bilduko da Osasun ministroarekin, baina "itxaropen handirik gabe"
Osasun sailburuak adierazi du bilera Lurraldearteko Kontseilura joango ez zirela iragarri zutelako deitu dela. Martinezek adierazi duenez, Osasun ministroak "ez du ulertzen" euskara meritua izatea, eta zail ikusten du akordio batera iristea, gaiaren inguruan "sentsibilitaterik ez dagoelako".
Eusko Jaurlaritzaren eta hiru aldundien aurrekontuak batera negoziatzeko prest dagoela jakinarazi die EH Bilduk EAJri eta PSEri
Naiz Irratian egin dioten elkarrizketan, Arnaldo Otegik esan du oraingoz ez dela nagoziaziorik izan, baina eskaintzak "erantzun positiboa" jasotzea espero duela. "Iaz ez bezala, gauzak beste modu batera egiteko aukerak egon daitezke. Gonbidapena mahai gainean dago, eta bideak irekita daude", adierazi du.
Anduezaren jarrerak "deserosoago" sentiarazten ditu Jaurlaritzako sailburu sozialistak jeltzaleak baino, Zupiriaren ustez
Euskadi Irratian egin dioten elkarrizketan, Eusko Jaurlaritzako Segurtasun sailburuak Eneko Anduezak azken egunotan egindako adierazpenak izan ditu hizpide. PSE-EEko idazkari nagusiak ohartarazi zuen gobernu koalizioa "arriskuan" egon daitekeela, "EH Bildurekin akordio identitarioak bilatzen jarraitzen badu".
Sanchezek "eskua luzatuta" duela esan du, eta elkarrizketaz eta autogobernuaz mintzatu da EAEko osasungintza hobetzeko, EAJren kexen aurrean
Maribel Vaquero EAJren bozeramaileak Kongresuan gogorarazi duenez, Alberto Martinez Eusko Jaurlaritzako Osasun sailburuak aurrerantzean ez du parte hartuko Lurraldearteko Osasun Kontseiluaren bileretan, "Osasun sistemaren premiak arintzeko proposamenekin" joan baita, eta Ministerioak "argudio sinesgarririk gabe atzera bota" baititu. Pedro Sanchez presidenteak erantzun dio Gobernua "oso kontziente" dela osasungintzak dituen beharrizanez. "Badakigu asko dagoela egiteko, eta, jakina, ez dago zalantzarik erronka horiek onbideratzeko irtenbideak aurkitzeko lanean jarraituko dugula", azpimarratu du.
Lehendakariak azpimarratu du "garrantzitsuagoa" dela EAJ eta PSE-EE elkartzen dituena "banatzen" dituena baino
Imanol Pradales lehendakariak EAJren eta PSE-EEren arteko koalizio gobernuaren egonkortasuna nabarmendu du Madrilgo Nueva Economia foroan egindako hitzaldian. Jatorrizko hitzak, gaztelaniaz.