'Inkomunikazioa' hausteko eskutitzak eskatu ditu Otegik Twitterren

Ezarri dioten ''inkomunikazioa'' hausteko, Logroñoko kartzelara eskutitzak bidaltzeko eskatu du Arnaldo Otegik, Twitter bidez. Izan ere, EH Bilduren ekitaldi batean grabazio baten bidez parte hartu ondoren, zenbait komunikazio eten egin dizkiote, denbora baterako.

Gaztelaniaz, euskaraz, katalanez eta ingelesez egin du deialdia Otegik Twitterreko bere kontuan, eta, ''inkomunikazioa hausteko'', kartzelara eskutitzak bidaltzea eskatu du.

Prebentzioko-neurriak

Logroñoko espetxeak bisitak galarazi dizkio Arnaldo Otegiri, bertako zuzendaritzak ezarritako kautela-neurriak direla-eta. Otegik berak  Twitter kontuan jarri zuenaren arabera, "bisita, gutun etatelefono dei gabe'' utzi dute. EH Bilduren ekitaldian esandako adierazpenen harira hartutako neurria izan da.

Atzo bertan Otegiren emaztea Logroñoko espetxera joan zen bisitatzera, baina sartzea eragotzi zioten.

Hiru egun inkomunikazioen aldi baterako debekua alegatzeko

Arnaldo Otegik hiru eguneko epea izango du, ostegunera arte, Logroñoko zuzendaritzari inkomunikazioak alde baterako debekatzeko erabakia alegatzeko, EH Bilduko mitinean egindako grabatutako hitzaldia dela eta.

Kartzelatik jakitera eman dutenez, Otegik gaur jaso du egindako irregulartasunaren inguruko “karguen orria”, familiarrekin mantentzea ez den komunikaziotik kanpo hitz egitea telefonoz esan nahi du.