Otegi zigortuko dute EH Bilduko mitinean zabaldutako grabazioagatik

Logroñoko espetxeko diziplina-batzordeak Arnaldo Otegi Batasunako bozeramaile ohia zigortzeko espedientea irekiko du, larunbat honetan Barakaldoko BECen EH Bilduko mitinean zabaldutako Otegiren grabazioagatik. Otegi Logroñoko kartzelan dago egun espetxeratuta.

Espetxe honetako iturriek aurreratu dutenez, litekeena da, zigor gisa, komunikabideak aldi baterako galaraztea. Izan ere, senitarteko baten bisitan grabatu zuen Otegik hitzaldia. Horrek agerian jarri du, iturri hauen arabera, Otegik ez dituela bisita hauek erabiltzen familia-loturak mantentzeko, bestelako auzientzako baizik. Logroñoko espetxeko zuzendariak azpimarratu duenez, jazotakoa berriro gerta ez dadin, neurriak hartuko ditu.

Arnaldo Otegi ezker abertzaleko bozeramaile ohiaren hitzak entzun dira larunbat honetan BECen, EH Bilduk egindako ekitaldian, Otegik berak igorritako grabazio bati esker. Batasunako ordezkariaren hitzetan, posible da koalizio abertzaleak EAEko hauteskundeak irabaztea. "Orain kartzelak hustu egin behar ditugu", gaineratu du.