Politika -
Alderdiak
Alba Garciak, Edurne Garciak eta Lander Martinezek gidatuko dute Sumarren asanbladarako hautagaitza bateratua
Garai Berria izeneko hautagaitza azaroaren 27tik 29ra egingo dituzten bozketen bidez berretsi beharko dute. Azaroaren 30ean Arrupe Etxean (Bilbo) egingo duten ekitaldian iragarriko dute emaitza.
eitb media
Sumar Mugimendua I. Asanblada Nazionalera bidean da. Azaroaren 30ean izango da, Bilboko Arrupe Etxean, eta alderdiaren gidaritza hartzeko aurkeztu den hautagaitza bateratua aurkeztu dute: Garai Berria.
Hautagaitzaren buru izango dira Alba Garcia Martin —Sumarren lehendakarigai izan zena eta egun Legebiltzarrean aholkulari lana egiten duena—, Lander Martinez —Bizkaian diputatu dena eta Estatu mailan finantza eta idazkaritza teknikoko ardurak dituena— eta Edurne Garcia Larrimbe arabarra —Sumar Mugimenduaren sustatzaileetako bat izan zena.
Prozesu horrekin alderdiaren proiektua EAEn indartu nahi dute, hauteskunde autonomikoetako emaitza kaskarren ostean (legebiltzarkide bakarra lortu zuten). Antolatzaileen arabera, "ideologikoki berregituratu behar gara, eta Euskadin egonkortzeko ibilbide orria sustatu behar dugu kolektiboki".
Hautagaitza berresteko prozesua bozketa bidez egingo dute, azaroaren 27tik 29ra, eta 30ean Bilboko Arrupe Etxean egingo duten Asanblada Nazionalean emango dute emaitzaren berri. Hori horrela, oinarri politiko, etiko eta antolakuntzazkoak ezarriko dituzte ziklo politiko berriari begira.