Urkullu: "Llorentek zintzoa izan beharko luke"

Iñigo Urkullu EAJko presidentearen ustez Fernando Llorente Athleticeko aurrelaria " zintzoa izan beharko luke eta zergatik berritu ez duen azaldu beharko luke".

Punto Radio irratian eginiko adierazpenetan, Urkulluk Athleticeko bazkide gisa esan du jokalariak edo bere inguruak zintzoak izan beharko luketela jarraitzaileekin, eta ez berritzeko erabakiaren arrazoiak eta bi zuzendaritzekin aldi berean negoziatzeko arrazoiak azaldu beharko lituzketela.

"Llorentek ez du behar besteko azalpenik eman orain arte", azpimarratu du.

Horrez gain, nahiz eta ezin izango duen bertan egon, Eibarko Arrate mendatean bukatuko den Espainiako Itzuliaren etapa bukaera ikustea gustatuko litzaiokeela esan du. "Albistegietatik jarraituko ditut etaparen nondik-norakoak".

"Kolokolokeria bat"

Zezenketengatik eta horien etorkizunarengatik ere galdetu diote Urkulluri, eta testuingurutik ateratzen den gai bat dela esan du. "Hiru hiriburuetan dauden zezen plazez gain, euskal geografian badaude arkitektura propioa duten hainbat zezen plaza, eta horrek zerbait esan nahiko du".

Dena den, Illunben ospatutako korrida batean toreatzaile batek bere muletan ikurrina zuela faena bat egitea "kokolokeria bat" iruditu zitzaion.